Qaırat Nurtastyń kontsertinde joǵalǵan tondy qaıtarǵan áıelge sút tartatyn mashına syıǵa tartyldy
ASTANA. QazAqparat - Pavlodarlyq polıtseıler Qaırat Nurtastyń kontsertinde joǵalyp ketken tondy qaıtaryp bergen Qalqaman aýylynyń turǵynyna sút tartatyn elektr mashınasyn syıǵa tartty.
Oblystyq ІІD baspasóz qyzmetiniń málimetinshe, bóten adamnyń kıimin ıesine alyp kelgen zeınetkerdiń adaldyǵyn tártip saqshylary erekshe baǵalap, yntalandyrýdy jón kórgen, dep habarlaıdypavlodarnews.kz.
Alaıda aqshalaı syıaqydan birden bas tartqan aýyl turǵyny mal ustaıtyndyqtan kópten beri toq separatoryn alýdy armandap júrgenin aıtqan.
Eske sala keteıik, 8 naýryz kúni Estaı atyndaǵy mádenıet saraıynda Qaırat Nurtastyń «Jubatýǵa arnalady bul ánim» atty án keshinen keıin qala turǵyny Almagúl Baıdeldınova qundyz tonynan aıyrylyp qalǵan bolatyn. Keshe tondy kıip ketken adamnyń nemeresi qysqy kıimdi ıesine qaıtaryp berdi.
