Qaırat Nurtastyń Almatydaǵy kontsertine arnaıy avtobýstar qatynaıdy
ALMATY. QazAqparat - 21 jeltoqsan kúni Almatydaǵy «Almaty arena» muz saraıynda Qaırat Nurtastyń jeke kontserti ótedi.
Ánshiniń shyǵarmashylyq keshine baramyn deýshiler úshin arnaıy avtobýstar uıymdastyrylatyn bolady, dep habarlaıdy «QazAqparat» HAA tilshisi.
Kórermenderdiń qolaılyǵy úshin saǵat 16:00-de B.Sholaq atyndaǵy sport saraıynan (Abaı dańǵyly-Baıtursynov kóshesi) bastap «Almaty arenaǵa» deıin arnaıy baǵdarlar qatynaı bastaıdy. Avtobýstar kontsert aıaqtalǵannan keıin keri baǵytta júredi. Bılet quny bir baǵytqa 100 teńgeni quraıdy. Sondaı-aq «Almaty arenaǵa» deıin «Saıahat» aıaldamasynan №7 avtobýspen jáne «B.Sholaq atyndaǵy sport saraıy» aıaldamasynan №57 baǵdarmen jetýge bolady. Qalalyq qoǵamdyq kólikterde júrý jol aqysy - 80 teńge.
