Qaırat Nurtas «Juldyzdy jekpe-jek» teleshoýynyń jeńimpazy atandy
ASTANA. QazAqparat - Búgin "Habar" arnasynda ótken "Juldyzdy jekpe-jek" saıysynda Qaırat Nurtas jeńiske jetti, dep habarlaıdy QazAqparat.
Belgili estrada juldyzy Maldıv araldaryna 2 adamǵa arnalǵan joldamany utyp aldy.
Mýzykalyq telesaıys qyrkúıek aıynda bastalyp, onda14 qatysýshy baq synady. Jartylaı fınalǵa 4 ánshi: Nurbolat Abdýllın, Dastan Orazbekov, Marhaba Sábı jáne Qaırat Nurtas shyqqan bolatyn.
Olardyń ishinen Qaırat Nurtas pen Nurbolat Abdýllın kórermenderdiń daýysymen fınalǵa joldama aldy. Aqtyq synda da jeńimpazdar taǵdyry tikeleı daýys berýi arqyly sheshildi.
Ánshi ınstagramdaǵy paraqshasynda "Kóp túkirse, kól bolady" degendeı, bul ortaq jeńis! Bul Sizderdiń jeńisterińiz! Sizderdeı appaq adal tyńdarmandarym, qoldaýshylarym, tilekshilerim bar da, men barmyn, baqyttymyn, baımyn! Alla razy bolsyn! Barlyǵyńyzdy júregimmen jaqsy kóremin! Úlken raxmet júregimniń tórinen oryn alǵan QAZAQ ELІ!!!" dep qýanyshymen bólisti.
Jeńis qutty bolsyn jandarym✊ "Kóp túkirse, kól bolady" degendeı, bul ortaq jeńis! Bul Sizderdiń jeńisterińiz! Sizderdeı áppaq adal tyńdarmandarym, qoldaýshylarym, tilekshilerim bar da, men barmyn, baqyttymyn, baımyn! Allax razy bolsyn! Barlyǵyńyzdy júregimmen jaqsy kóremin! Úlkeeeen raxmet júregimniń tórinen oryn alǵan QAZAQ ELІ!!!
Aıta keteıik, "Juldyzdy jekpe-jek" osy telemaýsymda mýzykalyq baǵdarlamalar arasynda reıtıngi eń joǵary shoý boldy.
