Qaırat Nurtas Jańa jylda «jasyryn» keshte bolmaq
ALMATY. QazAqparat - Qaırat Nurtastyń anasy ári prodıýseri Gúlzıra Aıdarbekova ánshiniń jańa jyldaǵy josparymen bólisti, dep habarlaıdy «QazAqparat» HAA tilshisi.
«Qaırat Almatydaǵy kontsertten keıin áli demalǵan joq. Semeıge baryp, ol jaqtan Atyraýǵa ushty, úsh kún sonda bolyp edi, Shymkentke shaqyrtty. 31 jeltoqsan Astanada bolady - jabyq jańa jyl keshinde. Otbasymen bola almaıdy. Biraq, bul áli de naqty emes», - dedi Qaırattyń anasy.
Sonymen qatar, Gúlzıra Aıdarbekova ánshiniń buǵan deıin jańa jyl keshterinde otbasymen qalaı qarsy alǵanyn da aıtty.
«Buǵan deıin de, byltyr da týra 12.00-de úıge úlgerip kelip, qarsy alyp, sosyn ketip qalatyn. Týra 12-de Qaırat bizben birge bolatyn. Jańa jyldy qarsy alǵannan keıin qaıtadan sharasyna ketip qalatyn», -degen ánshiniń anasy QazAqparat oqyrmandaryn Jańa jyl merekesimen quttyqtady.
«Jańa jyl ár otbasyna bereke, yrys alyp kelsin. Eń bastysy, elimiz aman, jurtymyz tynysh bolsyn. Barshańyzǵa tek jaqsylyq tileımin», - dedi ol.
