Qaırat Nurtas, Serik Ibragımov, Asylhan Tólepov qazaq kúresinen jarysady

ASTANA. QazAqparat - 21 naýryzda «Dáýlet» sport kesheninde Naýryz meıramyn merekeleý aıasynda qazaq kúresinen «Óner Barysy» respýblıkalyq týrnıri ótedi. Bul týraly QazAqparat Astana qalasynyń Mádeneıt jáne sport basqarmasyna silteme jasap habarlaıdy.

Jıyrmaǵa jýyq palýan chempıondyq beldikti sarapqa salady. Olardyń ishinde birde bir kásipqoı sportshy joq. Biraq olardy búkil Qazaqstan halqy tanıdy - tatamıge tanymal artıster men mýzykanttar shyǵady.

Ánshiler, aıtyskerler, akterler, KTA-ǵa qatysýshylar ulttyq sport túrinen sheberlik baıqasady. Qaırat Nurtas, Abaı Aıazbaev, Serik Ibragımov, Meıirjan Tórebaev, Amangeldi Óteshov, Asylhan Tólepov, Artýr Tólepov, Aıan Ótepbergen, Nurlan Musaev, Erkebulan Daıyrov, Álibek Serǵalıev, Nurbolat Abdýllın, Ardak Baıǵabyl, Ǵalym Mahambetov, Aqbolat Ótebaı, Syrymbet Bıbosynov, Hamıt Erdehan jáne basqalary boz kilemde beldesedi.

Jarystyń basty maqsaty - ulttyq sport túrlerin, ásirese qazaq kúresin damytý jáne dáripteý, sondaı-aq jastardy salaýatty ómir saltyn ustanýǵa baýlý. Týrnırdi uıymdastyrýǵa Astana qalasynyń mádenıet jáne sport basqarmasy, Qazaq kúresinen Qazaqstan federatsııasy, «Habar» telearnasy jáne «Aıtys- asyl mura» qoǵamdyq qory muryndyq boldy.

Erejege sáıkes, dúbirli dodaǵa 16-36 jas aralyǵyndaǵy shyǵarmashylyq maman ókilderi qatysa alady.

Aqpan aıynyń ortasynda qatysýǵa nıet bildirgen palýandar Almatyda oqý-jattyǵý jıynynan ótti. Salmaq ólsheý saltanaty 19 naýryzda «Dáýlet» sport kesheninde ótedi.