Qaırat Nurtas pen Aıqynnyń Naýryz týraly jańa saýndtregi shyǵady
Ártister qazaqstandyqtardy Naýryz merekesimen quttyqtap, «Toı lıýboı tsenoı» fılmin kórýge shaqyrdy.
Arnaıy osy fılm úshin Qaırat Nurtas pen Aıqyn Tólepbergen «Áz-Naýryz» ánin jazǵan.
«22-25 naýryz aralyǵynda Astana alańynda, Atlet aýylynda merekelik sharalar ótedi. 21 kúni «Toı lıýboı tsenoı» atty fılmniń jáne atalǵan kartınadaǵy Aıqyn ekeýmizdiń jańa ánimizdiń tusaýy kesiledi», - dedi Qaırat Nurtas.
Kınolenta 21 naýryzda Almaty ákimdiginiń qoldaýymen prokatqa shyǵady.
Fılm sıýjeti boıynsha Maqsat esimdi jigit ápkesiniń uzatý toıyna jınaǵan aqshany joǵaltyp alady.
Basty keıipker toıdy ótkizý úshin baryn salady.
«Toı lıýboı tsenoı» - otbasy qundylyqtary, dástúrleri, mahabbat týraly kóńildi fılm. Bizdiń kıno otbasy múshelerimen kórýge arnalǵan», - dedi kartına rejısseri Qanaǵat Mustafın.
Fılmde belgili akterler Jan Baıjanbaev, Farhat Abdraımov, Ǵanı Quljanov, Danagúl Temirsultanova, Azat Seıtmetov, Erbolat Toǵyzaqov, Ásel Aqbarova, Aqbota-Nur Seıtmaǵambet, Oljas Áljanov, Dınara Baqtybaeva, Amına Malgajdar, Maksım Akbarov, Dıdar Qaden, Qaırat Nurtas, Aıqyn Tólepbergen, Saltanat Baqaeva, Shárip Serik pen Aıym Seıtmetova oınaıdy.
Kazınform kollajy
