Qaırat Nurtas magıstratýraǵa oqýǵa tústi
ASTANA. QazAqparat - Qazaqstan estradasynyń ataqty ánshileriniń biri Qaırat Nurtas L.N.Gýmılev atyndaǵy Eýrazııa Ulttyq ýnıversıtetine magıstratýraǵa tústi. Bul týraly ánshiniń fan-klýbynyń Instagramdaǵy resmı paraqshasynda habarlandy.
«Qaırat Eýrazııa Ulttyq ýnıversıtetiniń magıstratýrasyna oqýǵa tústi. Búgin ol sabaqqa bardy», - dep jazylǵan paraqshada.
Ánshiniń ózi Instagramdaǵy paraqshasyna tamyz aıynyń sońynda mindetti pánderdiń biri bolyp tabylatyn aǵylshyn tili synaǵynan ótkeni týraly sertıfıkatpen túsken fotosyn ornalastyrǵan. Onda Q.Nurtas múmkin 100 upaıdyń 85 upaıyn jıypty.
