Qaırat Nurtas keshinde án salǵan sheteldik juldyzdarǵa qansha aqsha tólegen?
ASTANA. QazAqparat - Qazaqstanda buryn-sońdy bolmaǵan shoý-kontsert ótkizgen Qaırat Nurtas keshinde óner kórsetken sheteldik juldyzdarǵa 89 mln teńge qalamaqy bergen. Bul týraly 31 arnanyń "Juldyzdar jarqyraıdy"baǵdarlamasynda aıtyldy.
Baǵdarlama barysynda ózge de qazaqstandyq juldyzdardyń tabysy qansha ekeni jarııalanǵan. Bir beınebaıanynyń quny 30 myń AQSh dollaryn quraǵan Serik Ibragımov "negizgi tabysty qazaqtyń toıynan tabamyn" deıdi.
"Forbs" jýrnaly men "Mýzzon" telearnasy birigip ótken jyldyń qaltasy qalyń ánshileriniń tizimin túzgen. Ázirge eńbekqor ári eldiń súıikti ánshisi Qaırat Nurtas birneshe jyl qatarynan tabysy ortaımaǵan juldyzdar kóshin bastap keledi. Ol byltyr 2,5 mln dollar tabys tapqan. Ánshige aqsha kontsertteri men Halyq ártisi Maqpal Júnisovamen ótkizgen keshinen túsipti.
Almaty qalalyq memlekettik kirister departamentiniń qyzmetkeri Edil Serikuly, Qaırattyń kontsertinde án salǵany úshin Tımatı, Nıýsha syndy juldyzdarǵa tólegen aqshasy 89 mln teńgeni quraǵanyn jarııa etti.
Qap-qap qarjy tabýdan Baıan Esentaeva da qalysar emes. Onyń jyldyq kirisi 1 mln dollar eken. Ataqty prodıýser tek "Keshıý" tobynyń ózinen 500 myń dollardy qaltasyna basady.
"Marııa Magdalenanyń" arqasynda tanylǵan Ashat Tarǵyn 960 myń dollarǵa baıysa, Qytaıdyń ózinde 12 kontsert berip qaıtqan Aıqynnyń kirisi - 600 myń AQSh dollarǵa jetken. Aıtpaqshy, Aıqyn salyqtan da jaltarmaıdy eken.
"Árıne tóleımin. Aı saıyn emes, JK bar. Sodan ótken aqshadan salyq tólep turamyz", - deıdi ánshi.
Baı ártisterdiń tizimin 2015 jyly 300 myń dollar tabys tapqan Serik Ibragımov, Maqpal Isabekova, Álı Oqapovtar qorytyndylaıdy.
