Qaırat Nurtas Qazaq radıosy tyndarmandarymen áńgimelesti
ASTANA. QazAqparat - Búgin Qazaq radıosy stýdııasyna halyqtyń súıikti ánshisi Qaırat Nurtas keldi.
Qazaq radıosynda tikeleı efırde suhbat berýi ártistiń jankúıerleri úshin tamasha tosyn syı boldy. Qysqa kezdesý barysynda Qaırat radıo tyndarmandarymen áńgimelesip, óziniń óneri jaıynda biraz baıandap berdi.
Tyndarmandarǵa belgili bolǵandaı, Qaırattyń sahnaǵa alǵash ret shyǵyp oryndaǵan áni - «Arý ana» áni edi. Áńgime barysynda Qaırat oryndaýynda 300-den astam áni bar ekendigin aıta kele, sol ánder jınaǵyn Qazaq radıosynyń mýzykalyq qoryna tapsyrýǵa ýáde berdi.
Qaırat Nurtastyń jankúıerleri birinshi bolyp ártistiń jeke ózinen aldaǵy Astana-Arena stadıonynda ótetin kontsertke daıyndyq barysy jaıynda estýge múmkindikteri boldy. Qaırat óziniń shyǵarmashylyq keshine Indıra Elemes, Nıýsha, Tımatı, Sergeı Lazarev, «Reflex» toby jáne t.b. shaqyrǵan edi. Eske sala óteıik, osy jyldyń aýqymdy sharasynyń basty uıymdastyrýshylary «Qazaqstan» teleradıokorporatsııasy jáne «Sapa Media group».
Tikeleı efırde Qaırat Nurtasqa eń jaqsy qoıylǵan suraq úshin tyńdarmanǵa aldaǵy ótetin Qaırattyń kontsertine 2 bılet syıǵa tartyldy. Atalǵan bıletterdiń ıesi Qazaq radıosynyń turaqty tyndarmany, Qulsarynyń turǵyny Dúısenáli aǵa bolyp tabyldy.
Qaırat Nurtas 12 jeltoqsanda Astana qalasynyń Astana-Arena stadıonynda jáne 17-18 jeltoqsanda Almaty qalasy Balýan Sholaq atyndaǵy sport saraıynda bolatyn umytylmas kontsertiniń kýási bolýǵa shaqyrady.
