Qaırat Nurtas «Biz birgemiz» aktsııasyna qosyldy

NUR-SULTAN. QazAqparat - Qazaqstan estradasynyń ataqty ánshisi Qaırat Nurtas elordada medıtsınalyq qyzmetkerlerge sút ónimderin taratty. Sút ónimderi qaladaǵy úsh aýrýhanaǵa jetkizildi, dep habarlaıdy QazAqparat qala ákiminiń resmı saıtyna silteme jasap.

«Koronavırýs indeti dúnıejúzin jaýlap aldy. Qıyn kezeńde barshamyzǵa judyryqtaı jumylyp, bir-birimizge kómektesý mańyzdy. Osy eldiń azamaty retinde qıyn jaǵdaıǵa beı-jaı qaramaı, óz tarapymnan volonterlermen birge aýyr dertke shaldyqqan adamdardy emdeý qyzmetinde júrgen abzal jandarǵa qoldaý kórsetýdi jón kórdim. Olardyń jumysy aýyr ári qaýipti. Sabyrlyq pen densaýlyq tileı otyra, men qazaqstandyq medıtsına qyzmetkerleriniń barlyǵyna adal eńbegi úshin alǵysymdy bildiremin. Biz birgemiz!» – dedi Q. Nurtas.

«Saýlyq» volonterler baǵytymen birlesip úsh emdeý ortalyǵyna azyq-túlik taratyldy. Atap aıtqanda, ftızıopýlmonologııa ortalyǵyna, № 3 kópbeıindi qalalyq balalar emhanasy jáne karantındik statsıonar ornalasqan «Ramada Plaza» qonaq úıi keshenine jetkizildi.

Taıaýda ánshi Nur-Sultan qalasy shtabynyń volonterler qataryna qosylǵan bolatyn. Elordalyq jastar saıasaty máseleleri jónindegi basqarmanyń janyndaǵy qalalyq eriktiler shtaby halyqtyń áleýmettik jaǵynan osal toptaryna kómek kórsetýdi jalǵasytyryp jatyr.