Qaırat Nurtas Atyrau Marathon-ǵa qatysady
ATYRAÝ. QazAqparat - Atyrau Marathon-ǵa 16 jasqa tolǵan kez kelgen nıet bildirýshi qatysa alady. Qatysýshylardyń biri belgili boldy - ol Qaırat Nurtas, dep habarlaıdy «QazAqparat» HAA tilshisi.
«Іs-sharanyń basty maqsaty - salaýatty ómir saltyn nasıhattaý. Marafonǵa qatysýshylar eki qashyqtyq boıynsha júgiredi - áýesqoılar 10 shaqyrym, al kásibıler 21 km júgiretin bolady. Bul Atyraý oblysynda uıymdastyrylyp jatqan birinshi marafon. Bul jarysty dástúrge aınaldyryp, jyl saıyn ótkizbekpiz. Maqsatymyz - túrli jastaǵy adamdardy sportpen shuǵyldanyp, salaýatty ómir saltyn ustanýńa shaqyrý», - dedi Atyraý oblystyq dene shynyqtyrý jáne sport basqarmasynyń basshysy Azamat Beket.
Júgirý 6 mamyr kúni ótedi. 10 shaqyrymǵa júgý áýejaıdan bastalsa, kásipqoılar - Munaıshy stadıonynan jarysty bastaıdy. Eki júgiristiń qorytyndysy boıynsha kásipqoılar men áýesqoılar arasyndaǵy ár jastaǵy toptardyń ishindegi úzdikter anyqtalady. Sporttyq is-sharanyń sońynda jeńimpazdar marapattalyp, Qaırat Nurtastyń qatysýymen kontsert ótedi.
Marafondy Atyraý oblystyq ákimdigi men Infinity Fitness klýby uıymdastyrady.
