Qaırat Nurtas Aqtóbede qaıyrymdylyq kontsertin ótkizdi
21 qarashada Aqtóbe men oblys aýdandarynda turatyn myńnan astam jetim balalar, múgedekter, az qamtylǵan otbasynyń balalary 50 mıllıon teńge qarjylaı kómekke ıe boldy, dep habarlady Aqtóbe oblysy ákiminiń baspasóz qyzmeti.
Aýqymdy qaıyrymdylyq aktsııasyna tanymal qazaqstandyq ánshi Qaırat Nurtas ta qosyldy. Ol Aqtóbede ótken jeke kontsertiniń tabysyn Aqtóbe oblysynda turatyn jetim balalarǵa berýdi uıǵarǵan. Qaıyrymdylyq kontsertine kelgen oblys ákimi Berdibek Saparbaev qaıyrymdy is jasaýda belsendilik tanytqany úshin ánshige alǵysyn bildirdi.
Óńir basshysy mańyzdy áleýmettik jobany júzege asyrý jumystarynyń áli de jalǵasatynyn aıtty. Eki kún buryn Aqtóbege qaıyrymdylyq kontsertimen «Aǵaıyndy Júginisovter» toby kelgen edi. Olar da jınalǵan qarajatty Aqtóbeniń emge muqtaj jas turǵyny Valerııa Bırzýldiń januıasyna tabys etti.