Qaırat Nurdáýletov «Jetisý» bas bapkeri qyzmetine keldi

ASTANA.KAZINFORM — Qaırat Nurdáýletov «Jetisý» fýtbol klýbynyń bas bapkeri qyzmetine taǵaıyndaldy. 

Bul jóninde komandanyń baspasóz qyzmeti málim etti.

Qaırat Nurdáýletov 1982 jyly dúnıege kelgen. Kásibı oıynshy retinde «TsSKA-Qaırat», «Esil-Bogatyr», «Ertis», «Qaırat», «Tobyl», «Astana» jáne «Qaısar» komandalarynda oıyn kórsetti.

Fýtbolshy mansabyn aıaqtaǵannan keıin ulttyq quramanyń jattyqtyrýshylar shtabyna endi. Keıin Qazaqstan jastar quramasynyń bas bapkeri qyzmetin atqardy.

2023 jyly Túrkistan oblysynyń «Maqtaral» klýbynda bas bapker mindetin atqaryp, atalǵan ujymnyń Premer-lıgadaǵy ornyn saqtap qalýǵa úlesin qosty.

Odan keıin Taldyqorǵannyń «Jetisý» komandasynyń bas bapkeri boldy. Onyń jetekshiligimen komanda 11-orynǵa turaqtady.

Qaırat Nurdáýletov bıyl 4 shildede «Oqjetpestiń» bas bapkeri qyzmetine taǵaıyndalǵan bolatyn. Ol bul qyzmette Andreı Ferapontovtyń ornyn basqan.

Ótken maýsymda kókshetaýlyq klýb 35 upaı jınap, KPL týrnır kestesinde segizinshi oryndy ıelendi.