Qaırat Nurdáýletov «Oqjetpes» tizginin ustady

ASTANA. KAZINFORM — Qaırat Jumabekuly Nurdáýletov «Oqjetpes» fýtbol klýbynyń bas bapkeri atandy.

Qaırat Nurdáýletov 1982 jyly dúnıege kelgen. Kásibı oıynshy retinde «TsSKA-Qaırat», «Esil-Bogatyr», «Ertis», «Qaırat», «Tobyl», «Astana» jáne «Qaısar» komandalarynda oıyn kórsetti.

Fýtbolshy mansabyn aıaqtaǵannan keıin ulttyq quramanyń jattyqtyrýshylar shtabyna endi. Keıin Qazaqstan jastar quramasynyń bas bapkeri qyzmetin atqardy.

2023 jyly Túrkistan oblysynyń «Maqtaral» klýbynda bas bapker mindetin atqaryp, atalǵan ujymnyń Premer-lıgadaǵy ornyn saqtap qalýǵa úlesin qosty.
Odan keıin Taldyqorǵannyń «Jetisý» komandasynyń bas bapkeri boldy. Onyń jetekshiligimen komanda 11-orynǵa turaqtady.

Bıyl pavlodarlyq «Ertis» komandasy bas bapkeri bolyp, mamyr aıynda óz erkimen qyzmetten ketti. 

— Evrokýbokke shyǵý — maqsatymyzdyń biri bolmaq. Eń az degende týrnırlik kestedegi oryndy saqtap qalýymyz kerek. Burynǵy bas bapker men bapkerlik quramnyń keremet nátıjesin saqtaı otyryp, aldaǵy ótetin matchtarda tek jeńiske jetý — basty mindet, — dep jazylǵan «Oqjetpes» komandasy taratqan habarlamada.

Aıta ketsek, budan buryn Andreı Ferapontov «Oqjetpes» komandasy bas bapkeri qyzmetinen ketti.