Qaırat Nurdáýletov «Ertis» klýby bas bapkeri qyzmetinen ketti

ASTANA.KAZINFORM — Qazaqstandyq Qaırat Nurdáýletov Birinshi lıgada oınaıtyn Pavlodarlyq «Ertis» klýby bas bapkeri qyzmetinen ketti.

Ol atalǵan klýb tizginin bıylǵy jyldyń qańtar aıynyń basynda ustaǵan edi.

Qaırat Nurdáýletov 2002-2004 jyldary fýtbolshy mansabynda «Ertis» namysyn qorǵap, klýbtyń chempıon bolýyna úlken septigin tıgizgen bolatyn.

Bıylǵy maýsymda ol Taldyqorǵannyń «Jetisý» komandasynyń bas bapkeri boldy. Onyń jetekshiligimen komanda 11-orynǵa turaqtady.

Qaırat Nurdáýletov 1982 jyly dúnıege kelgen. Kásibı oıynshy retinde «TsSKA-Qaırat», «Esil-Bogatyr», «Ertis», «Qaırat», «Tobyl», «Astana» jáne «Qaısar» komandalarynda oıyn kórsetti.

Fýtbolshy mansabyn aıaqtaǵannan keıin ulttyq quramanyń jattyqtyrýshylar shtabyna endi. Keıin Qazaqstan jastar quramasynyń bas bapkeri qyzmetin atqardy.

2023 jyly Túrkistan oblysynyń «Maqtaral» klýbynda bas bapker mindetin atqaryp, atalǵan ujymnyń Premer-lıgadaǵy ornyn saqtap qalýǵa úlesin qosty.

Pavlodarlyq klýb Birinshi lıgada bes týrdan keıin 13 upaımen kósh basynda keledi. Enshisinde tórt jeńis, bir teń oıyn bar.

Eske salsaq, budan buryn Qazaqstan Premer-lıgasy tarıhyndaǵy tuńǵysh áıel tóreshi mansabyn aıaqtady.