Qaırat Nurdáýletov «Astana» fýtbol klýbynyń 2011 jylǵy úzdik qorǵaýshysy dep tanyldy
ALMATY. 20 jeltoqsan. QazAqparat /Erlik Erjanuly/ - «Astana» fýtbol klýbynyń saıtynda júrgizilgen daýys berý nátıjesinde Qaırat Nurdáýletov 2010/2011 jylǵy maýsymdaǵy eń úzdik qorǵaýshy dep tanyldy.
Oǵan jankúıerlerdiń 28,88 paıyzy daýys bergen.
Qaırat Premer-lıgadaǵy el chempıonaty men ulttyq qurama sapynda Eýropa chempıonatynyń irikteý saıystarynda da ornyqty oıyn órnegimen kózge túsken bolatyn. Aıaqdop sportynyń jankúıerleri astanalyq komandanyń ózge qorǵaýshylarynan Mıhaıl Rojkovqa 27,95 paıyz, Maksım Jalmaǵambetovke 23,12 paıyz, Mark Gýrmanǵa 9,03 paıyz, Pıraly Alıevke 8.61 paıyz daýys bergen.
