Qaırat-Neftchı fýtbol matchy tikeleı efırde kórsetilmeıdi

ASTANA. KAZINFORM — «Qaırat» fýtbol klýbynyń «Neftchı» jáne «Varajdınmen» ótetin baqylaý matchtary jabyq rejımde ótedi, dep habarlaıdy klýbtyń baspasóz qyzmeti.

Abý-Dabıdegi oqý-jattyǵý jıyndary aıasynda komanda eki baqylaý kezdesýin ótkizedi.

— Erteń Almaty ýaqytymen saǵat 18:00–de bakýlyq «Neftchımen» oınaıdy. Al jıyndardyń qorytyndy matchy horvatııalyq «Varajdınge» qarsy 14 qańtar kúni saǵat 18:00–de ótedi. Matchtardyń tikeleı translıatsııasy josparlanbaǵan, — delingen «Qaırat» fýtbol klýby taratqan aqparatta.

Budan buryn Dastan Sátpaev Abý-Dabıdegi alǵashqy jıynǵa ne sebepti qatyspaıtynyn jazǵanbyz.

Sonymen qatar «Qaırattyń» chempıondyq quramynda qandaı ózgeris bar ekeni belgili boldy.