«Qaırat» men «Maqtaral» teń nátıjeni qanaǵat tutty

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 16-týrynda almatylyq «Qaırat» Túrkistan oblysynyń «Maqtaralymen» upaı bólisti, dep habarlaıdy QazAqparat tilshisi.

Almatylyq klýb týrnır kestesinde tórtinshi orynda keledi. Al Túrkistandyq komanda sońǵy oryndardyń birinde tur.

Osyǵan baılanysty qarsylastar úsh upaı oljalaýǵa baryn salatyny belgili edi.

Oıyn barysynda «Qaırat» sapynan Erkebulan Seıdahmet 136 Joao Paolo 41-mınýtta gol soqsa, oǵan «Maqtaral» qatarynan Toqtar Jańǵylyshbaı 37, Ramazan Kárimov 45-mınýtta eki golmen jaýap qaıyrdy.

Osylaısha komandalar 2:2 esebimen teń tústi.

Taǵy bir kezdesýde qaraǵandylyq «Shahter» Aqtaýdyń «Kaspııin» 1:0 esebimen tize búktirdi.

Dál qazir «Tobyl» (Qostanaı) men «Oqjetpes» (Kókshetaý) kezdesýi ótip jatyr. Birinshi kezeńnen keıin qostanaılyq klýb 1:0 esebimen alda tur.

Eske salsaq, budan buryn «Jetisý» men «Aqsý» 1:1 «Jetisý» men «Aqsý» 0:0 esebimen teń tússe, «Aqtóbe» «Qaısardy» 1:0, «Ordabasy» «Qyzyljardy» 2:1 esebimen súrindirdi.