«Qaırat» Majarstan shabýylshysyn qataryna qosty
ASTANA. QazAqparat - Majarstan quramasynyń shabýylshysy «Qaıratta» medıtsınalyq baqylaýdan ótip, jaqyn arada almatylyq fýtbol komandasymen kelisimshart jasasady, dep habarlaıdy «SPORTINFORM» SAA.
«Gonvedtiń» 26 jastaǵy forvardy ulttyq quramasynda 5 match ótkizgen. Eppel - ortalyq shabýylshy, boıy uzyn - 190 santımetr. Sońǵy maýsymda Majarstannyń joǵary dıvızıonynda 14 dop kirgizgen, al el kýbogynda 3 gol salyp, kóńil kónshiterlik nátıje kórsetken.
Marton Eppel ázirge keremet mansabymen maqtana almaıdy. «Gonvedten» bólek, «Dýnaıvaroshty», «Paksha» jáne MTK-ny qorǵaǵan. Fýtbolshy kóbine «qyzyl-qaralardyń» quramynda bar qabiletin kórsete alǵan. Dál osy fýtbol komandasynyń úzdik bombardıri atanyp, Eýropa Lıgasyna shyqty. Tanymal Transfermarkt.de nemis portaly onyń transferlik qunyn 650 myń evroǵa baǵalaǵan.
Eske salaıyq, majarlyq forvard - almatylyq komandanyń sońǵy aıda ózderine tartqan ekinshi fýtbolshysy. Buǵan deıin «Aqjaıyqtyń» fýtbolshysy Aderınsola Eseolamen kelisimshart jasasqan.
