Qaırat Mámıdiń tóraǵalyq etýimen Senat bıýrosynyń otyrysy boldy
ASTANA. 3 mamyr. QazAqparat - Búgin Qaırat Mámıdiń tóraǵalyq etýimen bolǵan Senat bıýrosynyń otyrysynda Parlament Májilisinde maquldanǵan zań jobalary palata komıtetterine bólinip berildi, dep habarlady QR Parlamenti Senatynyń baspasóz qyzmeti.
Atap aıtqanda, «Qazaqstan Respýblıkasynyń keıbir zańnamalyq aktilerine elektrondyq aqsha máseleleri boıynsha ózgerister men tolyqtyrýlar engizý týraly» zań jobasyn Qarjy jáne bıýdjet komıteti zerdeleıtin boldy.
Al «Ujymdyq qaýipsizdik týraly shart uıymyna múshe memleketterdiń quqyq qorǵaý organdary men arnaıy qyzmetterin jaraqtandyrý úshin arnaıy tehnıka men arnaıy quraldardy jetkizýdiń jeńildikti sharttary týraly kelisimdi ratıfıkatsııalaý týraly» zań jobasy Halyqaralyq qatynastar, qorǵanys jáne qaýipsizdik komıtetine berildi.
Bıýro otyrysynda sonymen birge palatanyń 5 mamyrda bolatyn kezekti jalpy otyrysynyń kún tártibi týraly komıtetterdiń usynystary qaraldy.
Aldaǵy jalpy otyrysta «Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy Koreıa Respýblıkasy dıplomatııalyq ókildikteriniń ǵımarattaryn salý úshin Astana qalasynda jer ýchaskelerin berý týraly kelisimdi ratıfıkatsııalaý týraly» jáne «Valıýtalyq saıasattyń kelisilgen qaǵıdattary týraly kelisimdi ratıfıkatsııalaý týraly» zań jobalary talqylanatyn boldy.
Otyrysta sondaı-aq ekinshi oqylymda «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasy qaralady.
