Qaırat Mámıdiń tóraǵalyq etýimen Parlament Senatynyń kezekti otyrysy boldy
TANA. 29 qyrkúıek. QazAqparat - Búgin Qaırat Mámıdiń tóraǵalyq etýimen Parlament Senatynyń kezekti otyrysy boldy, dep habarlaıdy baspasóz qyzmeti.
Kún tártibine sáıkes depýtattar zań jobalaryn talqylap, olardyń birqatary birinshi oqylymda maquldandy. Onyń ishinde «Neke (erli-zaıyptylyq) jáne otbasy týraly» kodeksiniń jobasy da boldy.
Bul joba boıynsha qosymsha baıandama jasaǵan senator A.Bashmakov «bul zań jobasy neke-otbasylyq qatynastardy rettep, olardyń ómir súrýine kepildikti qamtamasyz etip qana qoımaıdy, qazaqstandyq otbasyn nyǵaıtýdaǵy jańa quqyqtyq qaǵıdalardyń múmkindikterin belgileıdi» dep atap ótti.
Zań jobasyn talqylaý barysynda senator I.Ámirov áleýmettik ınstıtýt retindegi otbasynyń rólin atap óte kelip, jobany jetildirýge qatysty birqatar usynystaryn ortaǵa saldy.
Otyrysta «Qazaqstan Respýblıkasynyń keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgertýler men tolyqtyrýlar engizý týraly» zań jobalaryn talqylaý nátıjesinde depýtattar osy saladaǵy qoldanystaǵy zańdarǵa túzetýler engizýdi qoldady.
Bul zań jobalary boıynsha qorshaǵan ortany qorǵaý mınıstri N.Áshim men ishki ister mınıstriniń birinshi orynbasary M.Demeýov tıisti túsindirme berdi.
Zań jobalaryn ekinshi oqylymda qaraýǵa ázirleý úshin salalyq komıtetterge tapsyryldy.
Depýtattar talqysynyń nátıjesinde «Dinı qyzmet pen dinı birlestikter týraly» jáne «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobalary qabyldandy.
Bul zańdardyń mańyzdylyǵyn eskere otyryp, depýtattar jurtshylyq arasynda aýqymdy túsindirý jumystaryn júrgizýdi jaqtap, osy taqyryp boıynsha respýblıkalyq jáne aımaqtyq buqaralyq aqparat quraldaryna materıaldar jarııalaý týraly aıtty.
Jobany talqylaý barysynda depýtattardyń saýaldaryna Din isteri agenttiginiń tóraǵasy Q.Lama Sharıf jaýap berdi.
Otyrysta depýtattar Q.Sultanov, S.Aqylbaı, ıÝ.Kýbaıchýk, N.Súleımenov, B.Shelpekov Premer-Mınıstr K.Másimovtiń atyna depýtattyq saýal joldady.
