Qaırat Mámıdiń tóraǵalyq etýimen Bas prokýratýra alqasynyń otyrysy boldy
dep habarlaıdy baspasóz qyzmeti.
Otyrys jumysyna Joǵarǵy sottyń, ishki ister, eńbek jáne halyqty áleýmettik qorǵaý, ádilet, syrtqy ister mınıstrlikteriniń ókilderi, jekelegen oblystardyń ákimderi men prokýrorlary qatysty.
Alqada memlekettik organdar qabyldap otyrǵan sharalarǵa qaramastan eńbek kóshi-qonynyń qaralyp otyrǵan salasy áli de kóptegen zań buzýshylyqtarmen sıpattalatyny atap ótildi.
Osy qorytyndylar tekserý nátıjelerine negizdelgen. Tekserý barysynda prokýrorlar shamamen 3 myń zań buzýshylyqty anyqtady, olardy joıý úshin 120-dan astam uıǵarym shyǵaryldy, 1 qylmystyq is qozǵaldy, aldyn-ala tergeý organdaryna is júrgizý sheshimderin qabyldaý úshin 60-tan astam materıal jiberildi, 1,1 myńnan astam zańsyz ımmıgranttar el aýmaǵynan tys shyǵaryldy jáne sheteldik jumys kúshin tartýǵa berilgen 1 myńnan astam ruqsat keri qaıtaryp alyndy.
Tekserý sondaı-aq ýákiletti organdardyń oralmandardy ornalastyrýda utymdy ornyqtyrý men kómek kórsetý maqsatynda qabyldanǵan «Nurly kósh» úkimettik baǵdarlamasyn iske asyrý boıynsha jetkiliksiz sharalar qabyldap otyrǵandyqtaryn kórsetti. Baǵdarlamany iske asyrýǵa arnalǵan bıýdjet qarajattaryn urlaý jáne tıimsiz paıdalaný faktileri oryn alǵan. Oralmandar quqyqtary salasyndaǵy neǵurlym keń taralǵan buzýshylyqtar ishinde qurylys normatıvteriniń talaptaryna jaýap bermeıtin turǵyn úı qurylystaryn salý, materıaldyq múmkindikterge baılanysty oryndalýǵa jatpaıtyn jaǵdaılardaǵy baspanamen qamtamasyz etý, oralman otbasylaryn jumyspen qamtý jáne ornalastyrý boıynsha sharalar qabyldamaý áreketteri bar.
Otyrystyń qorytyndysy boıynsha Bas prokýror ýákiletti organdarǵa kóshi-qon zańnamalarynyń talaptaryn buljytpaı saqtaýǵa, halyqtyń kóshi-qon salasyndaǵy quzyretti organdardyń jumystaryn tártipke keltirýge, vedomstvoaralyq ózara is-qımyldy jandandyrýǵa, Qazaqstan Respýblıkasyna kelýshi, sonyń ishinde tarıhı otanyna oralǵan shetel azamattary men azamattyǵy joq adamdardyń biryńǵaı esepke alynýyn qamtamasyz etýge, oralman azamattardy áleýmettik qorǵaýdy qamtamasyz etýge, memlekettiń ulttyq múddelerine zııan keltirý táýekelin azaıtýǵa, «Nurly ksh» baǵdarlamasyn oryndaý boıynsha pármendi sharalar qabyldaýǵa, ony iske asyrýǵa jaýapty laýazymdy tulǵalar arasynda atqarýshylyq tártipti qataldatýǵa baǵyttalǵan qosymsha keshendi sharalar qabyldaýdy, sondaı-aq Premer-Mınıstrdiń atyna anyqtalǵan zań buzýshylyqtardy joıý týraly usynys engizýdi tapsyrdy.
