Qaırat Mámıdiń tóraǵalyǵymen Parlament Senatynyń bıýro otyrysy ótti
ASTANA. 2 sáýir. QazAqparat - Búgin Qaırat Mámıdiń tóraǵalyq etýimen bolǵan Parlament Senatynyń bıýro otyrysynda Parlament Májilisinde maquldanǵan zań jobasy Senattyń turaqty komıtetterine jáne palata Apparatyna berildi.
Ujymdyq qaýipsizdik týraly shart uıymy sheńberinde áskerı maqsattaǵy ónim jasaýǵa qatysatyn kásiporyndar men uıymdardyń mamandanýyn saqtaý týraly kelisimdi ratıfıkatsııalaý týraly zań jobasyn odan ári pysyqtaý úshin Halyqaralyq qatynastar, qorǵanys jáne qaýipsizdik komıteti bas komıtet bolyp belgilendi.
Bıýroda sondaı-aq palatanyń 2012 jylǵy 5 sáýirdegi kezekti otyrysynyń kún tártibine usynystar da qaraldy.
Depýtattardyń talqysyna Qazaqstan Respýblıkasynyń Úkimeti men Ispanııa Koroldiginiń Úkimeti arasyndaǵy Aýǵanstan Islam Respýblıkasyn turaqtandyrý men qalpyna keltirý jónindegi halyqaralyq is-qımyldarǵa Ispanııa Koroldiginiń qatysýyna baılanysty Qazaqstan Respýblıkasynyń aýmaǵy arqyly áskerı múlik pen personaldyń tranzıtin qamtamasyz etý týraly kelisimdi ratıfıkatsııalaý týraly zań jobasy usynylatyn boldy.
Otyrysta «Qazaqstan Respýblıkasynyń keıbir zańnamalyq aktilerine qorǵalǵan baılanys máseleleri boıynsha ózgerister men tolyqtyrýlar engizý týraly» zań jobasyn qaraý da josparlanyp otyr.
