Qaırat Mámıdiń Ókimimen Parlament Senaty Apparatynyń basshysy bolyp Qaırat Nurpeıisov taǵaıyndaldy

ASTANA. 29 aqpan. QazAqparat - Qazaqstan Respýblıkasy Parlamenti Senatynyń Tóraǵasy Qaırat Mámıdiń Ókimimen Parlament Senaty Apparatynyń basshysy bolyp Qaırat Nurpeıisov taǵaıyndaldy.

Q.Nurpeıisov Almaty halyq sharýashylyǵy ınstıtýtyn bitirgen. Mamandyǵy ekonomıst.

Qazaqstan Respýblıkasynyń Energetıka, ındýstrııa jáne saýda mınıstriniń orynbasary, memlekettik kiris mınıstriniń orynbasary bolyp jumys istegen.

2002 jyly Pavlodar qalasynyń ákimi, 2003 jyly Pavlodar oblysynyń ákimi bolyp taǵaıyndaldy. Pavlodar oblysyn 6 jyl basqardy.

2008 jyly Qazaqstan Respýblıkasy Prezıdentiniń Jarlyǵymen Prezıdent Ákimshiligi Basshysynyń orynbasary bolyp taǵaıyndaldy.

2009 jylǵy tamyzda Memleket basshysynyń Jarlyǵymen Memlekettik qyzmet isteri jónindegi agenttiktiń tóraǵasy bolyp taǵaıyndaldy.

«Qurmet» ordenimen jáne medaldarmen marapattalǵan.