Qaırat Mámı joǵary sot organdarynyń bıylǵy jylǵy alǵashqy jalpy otyrysyn ótkizdi
«Búgin biz 2016 jyly birinshi ret Joǵarǵy Sottyń keńeıtilgen jańa quramynda jalpy otyrysty ótkizýdemiz. Jańadan qosylǵan áriptesterimizdi Elbasynyń jáne Senattyń senimimen quttyqtaımyn. Jaýapty qyzmetterińizde tabys tileımin»,-dedi Q. Mámı.
Jıyn barysynda Elbasy jarııalaǵan «100 naqty qadam» Ult josparyndaǵy reformalardy iske asyrý aıasyndaǵy otandyq sot júıesin úshin mańyzdy máseleler talqylaýǵa shyǵaryldy. Otyrysqa qatysýshylar Joǵarǵy sottyń jalpy otyrysy men onyń Tóralqasynyń reglamentterine engiziletin ózgerister men tolyqtyrýlardy, «Sot tóreligine qol jetkizý quqyǵy jáne QR Joǵarǵy Sotynyń tómen turǵan sottardyń sot aktilerin qaıta qaraý boıynsha ókilettilikteri týraly» normatıvtik qaýlynyń jobasyn qarady. Munymen qosa, Sot jıýrıiniń quramy saılanyp, Joǵarǵy Sot janyndaǵy Halyqaralyq keńes týraly erejeniń jobasy, Joǵarǵy Sot Keńesiniń quramyna sýdıalardy jiberý jónindegi máseleler talqyǵa salyndy.
Jalpy otyrysqa sot alqalarynyń tóraǵalary men sýdıalary, Joǵarǵy Sot janyndaǵy Sottardyń qyzmetin qamtamasyz etý departamentiniń basshysy, Ǵylymı-konsýltatıvtik keńes músheleri qatysty.
