Qaırat Mámı Venetsııalyq komıssııa sarapshylarymen sýdıalardyń jańa ádep kodeksi jobasyn talqylady
Kezdesýdiń maqsaty - Venetsııalyq komıssııaǵa saraptamaǵa aldyn ala joldanǵan Sýdıalardyń jańa ádep kodeksi jobasyn (budan ári - Kodeks) talqylaý.
Qaırat Mámı kezdesýdegi kirispe sózinde: «Venetsııalyq komıssııa birneshe ret Qazaqstan úshin óte mańyzdy qujattarǵa saraptamalyq taldaý jasaǵan bolatyn. 2011 jyly EQYU AAQDIB men Venetsııalyq komıssııa «Sot júıesi men sýdıalardyń mártebesi týraly» Konstıtýtsııalyq zańy boıynsha birlesken qorytyndy ázirlengen edi. Bizdiń sizderdiń qatysýlaryńyzben sot sektorynda qajetti ózgeristerge qol jetkizgenimiz mańyzdy. Sizderdiń Ádep kodeksi jobasy boıynsha bergen usynymdaryńyz biz úshin mańyzdy bolatynyna senim bildiremin» dep atap ótti.
Kezdesý barysynda Q.Mámı sheteldik sarapshylardy elimizdiń Prezıdenti N. Nazarbaev jarııalaǵan «100 naqty qadam - barshaǵa arnalǵan qazirgi zamanǵy memleket» Ult Jospary sheńberinde júrgizilip jatqan sot júıesindegi reformalarmen tanystyryp ótti.
Áńgimelesý barysynda taraptar Kodeks jobasy men sot jumysynyń basqa da máseleleri boıynsha pikir almasty.
Kezdesýdi qorytyndylaı kele, Joǵarǵy Sot Tóraǵasy Venetsııalyq komıssııa sarapshylaryn jańa Kodeks jobasyna júrgizip jatqan saraptamasy úshin alǵysyn bildirdi.
Sondaı-aq, Venetsııalyq komıssııa sarapshylary Joǵarǵy Sot sýdıasy, Sot jıýrıiniń tóraǵasy M. Shegenovpen, Joǵarǵy Sot sýdıasy, Sýdıalar ádebi jónindegi komıssııanyń tóraǵasy N. Qaıypjanmen kezdesti. Buǵan qosa, Konstıtýtsııalyq Keńestiń Tóraǵasy I. Rogovpen, Joǵary Sot Keńesiniń Tóraǵasy A. Smolınmen jáne Qazaqstan Sýdıalar Odaǵynyń Tóraǵasy S. Baıbatyrovpen kezdesý ótkizdi.
Eske sala keteıik, jańa Kodekstiń jobasy Ult Josparyna sáıkes ázirlengen. Onda sot korpýsy men ǵalym-quqyqtanýshylardyń oı-pikirleri men kózqarastary, «Sýdıalar minez-qulqynyń Bangalor qaǵıdaty», Sot bıliginiń táýelsizdigi máseleleri boıynsha Kıev konferentsııasynyń usynymdary (2010 j.) sekildi basqa da halyqaralyq qujattardyń erejeleri eskerildi. Joba 5 taraýdan jáne 33 baptan turady. Onda «Sýdıalar minez-qulqynyń ádep qaǵıdattary», «Kásibı mindetterin atqarý barysyndaǵy sýdıalar minez-qulqynyń ádep qaǵıdalary», «Sýdıanyń otbasy men turmystaǵy minez-qulqynyń ádep qaǵıdalary» atty taraýlar bar. Kodeks jobasy Joǵarǵy Sot saıtynda jarııalandy. Oǵan kez-kelgen azamat óziniń usynystary men kommentarıılerin usyna alady.
Anyqtama: Venetsııalyq komıssııanyń quramyna Eýropa Keńesiniń 47 qatysýshy-memleketi kiredi. Qazaqstan Komıssııaǵa 2011 jyldyń qarasha aıynda múshe boldy. Óz jumysynda Eýropalyq komıssııa demokratııa, adam quqyqtaryn qorǵaý jáne zań ústemdigi sekildi Eýropa Keńesi qyzmetiniń bastaýyndaǵy úsh negizgi eýropalyq konstıtýtsııalyq qundylyq qaǵıdatyn basshylyqqa alady.
