Qaırat Mámı Konstıtýtsııalyq Keńestiń 20 jyldyq mereıtoıyna arnalǵan saltanatty jıynǵa qatysty

ASTANA. QazAqparat - Búgin Qazaqstan Respýblıkasy Joǵarǵy Sotynyń Tóraǵasy Qaırat Mámı Qazaqstan Respýblıkasy Konstıtýtsııalyq Keńesiniń 20 jyldyq mereıtoıyna arnalǵan saltanatty jıynǵa qatysty.

Qaırat Mámı Konstıtýtsııalyq Keńestiń basshylyǵy men múshelerin quttyqtaı kele: «Konstıtýtsııalyq Keńestiń mereıtoıy elimiz bıyl toılaǵan Ata Zańymyzdyń 20 jyldyǵymen oraılas keldi. Ýaqyt Konstıtýtsııalyq Keńestiń respýblıkanyń barlyq aýmaǵynda Konstıtýtsııanyń ústemdigin qamtamasyz etý boıynsha óz qyzmetin tıimdi atqaryp kele jatqandyǵyn kórsetti» dep atap ótti.

Joǵarǵy Sot Tóraǵasy Konstıtýtsııalyq Keńestiń aldaǵy ýaqytta da óz qyzmetin joǵary kásibı deńgeıde atqara beretindigine senim bildirdi. Sondaı-aq, Konstıtýtsııalyq Keńes músheleri men apparat qyzmetkerlerine zor densaýlyq, tolaıym tabys jáne baq-bereke tiledi.