«Qaırat» «Maqtaaraldan» jeńilip qaldy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginde almatylyq «Qaırat» qatarynan ekinshi márte jeńildi, dep habarlaıdy QazAqparat tilshisi.

El birinshiliginiń 11-týrynda almatylyq klýb syrt alańda Túrkistan oblysynyń «Maqtaaral» komadasymen kezdesti.

Túrkistandyq klýb týrnıo kestesinde sońǵy orynda tur. Soǵan qaramastan olar qarsylasynan 3:1 esebimen basym tústi.

Bul - «Qaırattyń» qatarynan ekinshi jeńilisi. Budan buryn óz alańynda qyzylordalyq «Qaısarǵa» 0:3 esebimen jol bergen edi.

Sondaı-aq, búgin «Kaspıı» (Aqtaý) men «Shahter» (Qaraǵandy) kezdesýinde 1:1 esebi tirkeldi.

Al buǵan deıin pavlodarlyq «Aqsý» óz alańynda taldyqorǵandyq «Jetisý» komandasyn 2:1 esebimen tize búktirdi.

Endi 28 mamyrda «Oqjetpes» (Kókshetaý) pen «Tobyl» (Qostanaı), «Qyzyljar» (Petropavl) men «Ordabasy» (Shymkent), «Atyraý» men «Astana», «Qaısar» (Qyzylorda) men «Aqtóbe» jasyl alańǵa shyǵady.