«Qaırat» – KýPS oıyny: 1,5 myń polıtsııa qyzmetkeri qaýipsizdikti qamtamasyz etedi

ALMATY. KAZINFORM – Almatyda 29 shilde kúni «Qaırat» pen KýPS arasyndaǵy qarytma kezdesý ótedi.

Almaty qalasy polıtsııa departamentiniń málimetinshe, UEFA Chempıondar lıgasynyń ekinshi irikteý kezeńinde ótetin «Qaırat» jáne KýPS arasyndaǵy oıynda 1,5 myń polıtsııa qyzmetkeri qoǵamdyq tártip pen jol qaýipsizdigin qamtamasyz etedi.

– Oıynǵa kóptegen jankúıer jınalady dep kútilip otyr. Osyǵan baılanysty polıtsııa kúsheıtilgen tártipte jumys isteıdi. Qoǵamdyq tártipti saqtaý, quqyqbuzýshylyqtardyń aldyn alý jáne kólik qozǵalysyn retteý máselelerine erekshe nazar aýdarylady, - dep habarlady polıtsııadan.

Sondaı-aq departament arnaıy kólik quraldarynyń erkin qozǵalysyn qamtamasyz etý jáne kólik keptelisine jol bermeý maqsatynda Abaı dańǵyly – Baıtursynov, Muqanov jáne Sátbaev kóshelerimen shektelgen aýmaqta avtokólik qozǵalysyna ishinara shekteý qoıylýy múmkin ekenin eskertti. 

Eske salaıyq, Fınlıandııada ótken birinshi oıynda «Qaırat» komandasy KýPS-ke ese jiberdi.