Qaırat Qudaıbergen men Rýslan Ysqaqovqa sot úkimi shyqty

ALMATY. KAZINFORM — Almatyda Qańtar oqıǵasyna qatysty aıyptalýshylarǵa sot úkimi shyqty.

Sotta Qaırat Qudaıbergenniń de isi qaralady. Almaty máslıhatynyń burynǵy depýtaty sot úkimimen 8 jylǵa bas bostandyǵynan aıyryldy.

Al UQK besinshi departamentiniń burynǵy basshysy Rýslan Ysqaqov 15 jylǵa 6 aıǵa bas bostandyǵynan aıyryldy jáne memlekettik nagradalardan aıyryldy.

Bul rette Q.Qudaıbergen QR QK-niń 272-baby 1,2-bólikteri, 126-baby 2-bóligi, 1 jáne 7-tarmaqtary boıynsha kináli dep tanyldy.

R. Ysqaqov QR QK-niń 262-baby 3-bóligi, 272-baby 1-bóligi, 362-baby 4-bóligi, 3-tarmaǵy, 28-baby 3-bóligi, 125-baby 3-bóligi, 1-tarmaǵy, 28-baby 3-bóligi, 126-baby 3-bóligi 1-tarmaǵy, 268-baby 3-bóligi boıynsha kináli dep tanyldy.

Eske salaıyq, 2022 jyldyń sáýir aıynda kásipker, Almaty qalasy máslıhatynyń depýtaty Qaırat Qudaıbergen Qańtar oqıǵasy kezinde jappaı tártipsizdikterdi uıymdastyrý men oǵan qatysty degen kúdikpen ustaldy.

Aldyn ala tergeý boıynsha Q.Q. Qudaıbergen A.B. Jumageldıevpen («Dıkıı Arman» dep atalatyn) birge «Qazaqstan» qonaq úıinde adam jınaýdy uıymdastyryp, Jumageldıevtiń aınalasyna birigýge, ony qoldaýǵa jáne bıliktiń biryńǵaı talaptaryn usynýǵa shaqyrǵany, sondaı-aq 10 adamnan «uıashyqtar» boıynsha bólip jáne olardyń toptarynyń erekshelikteriniń belgisi retinde qoldaryna aq tańǵyshtardy tańýǵa nusqaý bergeni anyqtaldy.

Sodan keıin Qudaıbergen men Jumageldıev jınaǵan top alańǵa shyǵyp, Jumageldıev tóńiregindegi mıtıngilerdi biriktirýge, alańda jedel shtab uıymdastyrýǵa jáne bılik aldynda biryńǵaı talaptar qoıýǵa tyrysqan. 

2023 jyly qyrkúıek aıynda Almaty mańyndaǵy № 72 túzeý mekemesiniń tergeý ızolıatorynda máslıhattyń eks-depýtaty Qaırat Qudaıbergen men Arman Jumageldıevke qatysty sot protsesi bastaldy.