Qaırat Qudaıbergen: Bıznesti yntalandyrý - ekonomıkany damytý kilti
Tanymal bıznesmen, metsenat, Almatynyń máslıhat depýtaty Qaırat Qudaıbergen elimizdiń áleýmettik-ekonomıkalyq damýynyń ózekti máselelerin aıqyndaıtyn mańyzdy qujattyń bıznesti damytýǵa arnalǵan tustaryna toqtaldy.
«Elbasynyń kezekti Joldaýyn tyńdaı otyryp onyń basqarý organdaryna úlken úlgi beretinine kózim jetti. Ol shyǵarmashylyqty qosa otyryp, qoǵamdaǵy máselelerdi sheshýdiń naqty joldaryn kórsetip otyr. Memleket basshysynyń saıasaty boıynsha eń tómengi jalaqy kórsetkishi 1,5 esege kóterilip, jyl saıynǵy 96 mlrd teńge bıýdjetten bólinedi. Turaqty bıznes kózderin damytý, jekelegen ınvestıtsııalardy kóbeıtý, naryq bostandyǵyna múmkindik berý. Bul halqymyzdyń ómir sapasyn jaqsartýǵa baǵyttalǵan sharalardyń bastamasy ǵana», - dedi máslıhat depýtaty.
Qaırat Qudaıbergenov bıznesmen retinde Elbasynyń jeke kásipkerlikti qorǵaý nıetin qoldaıtynyn aıtty.
«Naqtyraq aıtqanda, shaǵyn jáne orta bıznes ıelerine 2019 jyldyń 1 qańtarynan bastap salyq tóleýden bas tartý týraly buıryq shyqty. Onyń negizgi somasyna sáıkes tólemaqy ósimi men aıyppuldar esepten shyǵarylady. Sondaı-aq, Prezıdent «Bıznestiń jol kartasy 2020» baǵdarlamasyn 2025 jylǵa deıin sozýdy tapsyrdy. Al, kóleńkeli ekonomıkamen kúres, qolma-qol aqshasyz bıznesti yntalandyrý - bul elimizdiń ekonomıkasyn belsendi túrde damytatyn birden-bir jol», - dedi Qaırat Qudaıbergen.
Aıta ketý kerek, Prezıdent Nursultan Nazarbaev bıylǵy «Qazaqstandyqtardyń ál aýqatynyń ósýi: tabys pen turmys sapasyn arttyrý» joldaýynda "Bıznes jol kartasy-2020" baǵdarlamasyn 2025 jylǵa deıin sozý kerektigin aıtty.
Qazirgi ýaqytta QR Ulttyq ekonomıka mınıstrligi Ekonomıkalyq zertteýler ınstıtýtymen, sondaı-aq belgili ǵalymdar tobymen birlesip, álemdik tájirıbeni zerdeleı otyryp, elimizdiń aýmaqtyq-keńistiktik uıymdastyrylýyn jetildirý jóninde taldamalyq zertteý júrgizip jatyr.
