Qaırat Qojamjarov jol qurylysyndaǵy sybaılas jemqorlyq týraly aıtty
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov sybaılas jemqorlyqtyń saldary joldardyń sapasyna qalaı áser etetinin aıtyp berdi, dep habarlaıdy QazAqparat.
«Jaqynda bolǵan Esep komıteti boıynsha iske toqtalsaq, eki aýdıtor «Qazaqavtojol» basshylyǵynan para bopsalaǵan. Al bul uıymnyń barlyq oblystarda fılıaldary bar. Al tıisti somadaǵy aqshany jınap berý úshin «Qazaqavtojoldyń» oblystyq kásiporyndarynyń barlyq basshylary tartylǵan. Árbir basshy mıllıon teńgeden jınap berdi. Al osy mıllıondy qaıdan alady? Bul turǵyda ol jolǵa qyzmet etetin, tenderlerdi utyp alatyn, joldyń sapasyna qaraıtyn, ortasha jáne shaǵyn jóndeýdi júrgizetin kásiporyndardy bopsalaıdy. Bul maqsattarǵa respýblıkalyq, oblystyq jáne aýdandyq bıýdjetterden qarjy bólinedi. Atalǵan quqyq buzýshylyqtar óz kezeginde joldardyń sapasyna áser etetini anyq»,-dedi Qojamjarov.
Osy oraıda ol bundaı sybaılas jemqorlyq áreketterine qatań tosqaýyl qoıý kerektigin qadap aıtty.
