Qaırat Qojamjarov: Agenttik qyzmetkerleriniń jumysyn baǵalaýdyń basty krıterııi - halyq senimi
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy kúres agenttiginiń tóraǵasy Qaırat Qojamjarov jańa vedomstvonyń maqsattary men mindetterin belgiledi.
«Bizge memlekettik basqarý salasynda qabyldanǵan barlyq jańalyqtardy túsindirý jáne dıalog formatynda halyqtyń da, memlekettik qyzmetshilerdiń de pikirin alýymyz qajet», - dep atap ótti ol.
Osy máseleni sheshý úshin Tóraǵa Agenttik bazasynda dıalog alańyn qurýdy tapsyrdy, ol halyqpen jedel baılanysty ornatýǵa múmkindik beredi jáne ózara is-áreket úshin qoljetimdi aspap bolady.
Memlekettik qyzmetti jetildirý boıynsha jańalyqtardyń ishinde osy jyly quqyq qorǵaý qyzmetine úmitkerlerdi testileýdiń arnaıy júıesin engizý bar. Agenttiktiń basqa mańyzdy basymdyǵy memlekettik qyzmet kórsetýdi baqylaý bolyp tabylady.
Qaırat Qojamjarovtyń aıtýynsha, negizgi basymdyqtardyń biri sybaılas jemqorlyqqa qarsy strategııany iske asyrý jáne sybaılas jemqorlyqqa qarsy is-qımyl týraly Ulttyq baıandama daıyndaý bolyp tabylady.
Sondaı-aq Agenttik Tóraǵasy Sybaılas jemqorlyqqa qarsy qyzmet jemqorlyqtyń júıeli faktilerin anyqtaý, jolyn kesý, bıýdjettik qarajat pen Ulttyq qor qarajatyn maqsatty jumsaýdy jedel súıemeldeý, bıznesti laýazymdy tulǵalardyń zańsyz áreketterinen qorǵaý boıynsha jumystardy jalǵastyratyn bolady.
Sóz sońynda Qaırat Qojamjarov azamattardyń konstıtýtsııalyq quqyqtarynyń kez kelgen buzýshylyǵyna jol bermeýge basa nazar aýdarý qajettigine erekshe toqtaldy. Sondaı-aq Agenttik qyzmetkerleriniń jumysyn baǵalaýdyń basty krıterııi halyq senimi bolyp qalatynyn atap ótti, dep habarlaıdy vedomostvonyń baspasóz qyzmeti.
