«Qaırat» Konferentsııa lıgasyndaǵy alǵashqy oıynda teń tústi
ASTANA. KAZINFORM - Fýtboldan UEFA Konferentsııa lıgasy birinshi týryndaǵy «Rıga» (Rıga, Latvııa) - «Qaırat» (Almaty, Qazaqstan) kezdesýiniń birinshi kezeńi aıaqtaldy.
Kezdesý barysynda qazaqstandyq komanda jyldam gol soǵyp úlgerdi. Oıynnyń 5-mınýtynda latvııalyq komanda qaqpasyna belgilengen penaltıden «Qaırat» sapynan Marký Gýal múlt ketken joq.
Odan keıin «Rıga» sapynan Salah Ýlad 12-mınýtta tarazy basyn teńestirse, 28-mınýtta Mohamed Badamosı penaltıdi degenine paıdalana almady.
Ekinshi kezeńde latvııalyq komanda basymdyqty arttyra tústi. Oıyn tizginin óz qolynda ustaýǵa tyrysqan shabýylǵa kóbirek kóńil bóldi. Oǵan qazaqstandyq komanda laıyqty toıtarys berdi.
Komandalar 1:1 esebine qanaǵat bildirip tarasty.
Aıta ketsek, qazaqstandyq komanda budan keıin UEFA Konferentsııa lıgasy negizgi kezeńinde taǵy bes oıyn ótkizedi. Aldymen 22 qazanda elordada «Panatınaıkos» (Grekııa), 5 qarashada syrt alańda «Atalanta» (Italııa) klýbymen sheberlik baıqasady.
Odan keıin óz alańynda 26 qarashada elordada «Melbıý» (Shvetsııa), 10 jeltoqsanda «Ýnıversıtatıa Kraıova» (Rýmynııa) klýbtaryn qabyldasa, 17 jeltoqsanda syrt alańda «Tvente» klýbymen jasyl alańǵa shyǵady.
