«Qaırat» komandasynyń bas bapkeri qyzmetinen ketti
NUR-SULTAN. QazAqparat - Belgili fýtbol mamany Qurban Berdyev «Qaırat» komandasynyń bas bapkeri qyzmetinen ketti, dep habarlaıdy QazAqparat tilshisi.Bul jóninde komandanyń baspasóz qyzmeti málim etti.
Bas bapkeri Qurban Berdyev kelisim-shart merzimin ýaqytynan buryn aıaqtaý týraly kelisimge kelgen. Onymen birge kómekshileri Ivan Danılıants, Dmıtrıı Kırıchenko, Andreı Matsıýra jáne Edýard Kýndýhov klýb sapynan ketedi.
Qurban Berdyev oıynshy retinde de almatylyq klýbtyń namysyn qorǵaǵan. Almatylyq klýbta ol jartylaı qorǵaýshy retinde 160 oıyn ótkizgen. 1990-jyldardyń bastapqy sheninde bas bapker jáne kómekshi retinde «Qaıratqa» jetekshilik jasap, komanda 1992 jyly Qazaqstan birinshiliginiń jeńimpazy atandy.
2021 jyly Q.Berdyev almatylyq klýbqa qaıta oralyp, alǵashqyda baqylaý keńesi tóraǵasynyń keńesshisi qyzmetinde boldy. Keıinnen negizgi komandanyń tizginin ustady. Onyń jetekshiligimen komanda alǵash ret eýrokýboktyń toptyq kezeńinde oıyn kórsetti. Sondaı-aq, Qazaqstan Kýbogyn jeńip aldy.
Eske salsaq, fýtboldan Qazaqstan quramasy Slovakııamen kezdesedi.
