«Qaırat» klýbynyń jańa quramy belgili boldy
ALMATY. QazAqparat - Jańa maýsymnyń bastalýy aldynda Qaırat fýtbol klýby jańa quramdy resmı túrde tanystyrdy, dep habarlaıdy QazAqparat tilshisi.
Resmı shara klýb basshysy, ardagerler men bapkerlerdiń sózimen ashyldy.
«Qaırat» baqylaý keńesiniń tóraǵasy Qaırat Boranbaev byltyr Qazaqstan kýbogyn legıonerlersiz taza qazaqstandyq qurammen jeńgenderin basty jetistik retinde atady.
Byltyr kúzde jattyqtyrýshy bolyp kelgen klýbtyń bas bapkeri 31 jastaǵy Alekseı Shpılevskıı jaqsy oıyn kórsetýge ýáde etti.
«Biz «Astananyń» oıynyn taldadyq. Olardan ne kútýge bolatynyn shamaladyq. Jigitter daıyn. Úıde shabýyldy údetetin bolamyz», - dedi Alekseı Shpılevskıı. 
Aıta ketý kerek, jańa maýsymdy «Qaırat» «Astana» klýbymen kezdesýden bastaıdy. Olar Qazaqstannyń sýperkýbogy úshin baqtalasady.
Oıyn 3 naýryzda Almatyda ortalyq stadıonda 15:00-de ótedi.
Almaty komandasynyń jańa quramyna 22 oıynshy alyndy. Olardyń altaýy syrttan kelgen.
Qaqpashylar: Vladımır Plotnıkov, Stas Pokatılov;
Qorǵaýshylar: Eldos Ahmetov, ıAn Vorogovskıı, Nuraly Álip, Gafýrjan Sýıýmbaev, Sergeı Polıtevıch (Belarýs), Aleksandr Sokolenko, Sergeı Keıler, Rade Dýgalıch (Serbııa), Dıno Mıkanovıch (Horvatııa);
Jartylaı qorǵaýshylar: Islambek Qýat, Georgıı Jýkov, Baýyrjan Islamhan, Chjon Vý Han (Koreıa), Aıbol Ábiken, Erkebulan Tuńǵyshbaev, Konrad Vjesınskı (Polsha);
Shabýylshylar: Aderınsola Eseola (Ýkraına), Marton Eppel (Vengrııa), Samat Sársenov, Rıfat Nýrmýgamet.
