"Qaırat" klýbynyń bas dırektory saılandy
ALMATY. 8 qyrkúıek. QazAqparat - Almaty qalasynyń "Qaırat" fýtbol klýbynyń Bas dırektory bolyp Málik Bolatuly Kóshálıev saılandy.
Bul týraly keshe klýbtyń jalpy jınalysynda málim boldy. Baqylaý keńesiniń tóraǵasy Qaırat Boranbaev klýb qurylymyndaǵy jańa kadrlyq ózgeristi jarııa etken kezde Sport dırektory Oleg Flegontovtyń óz erkimen qyzmetinen ketkenin jáne onyń ornyna Rafael Edýarduly Garıbıannyń taǵaıyndalǵanyn aıtty.
«Hakım Hasanov pen Oleg Flegontovqa «Qaırat» fýtbol klýbynyń atyn shyǵarýda jasalǵan jumystary men úlesteri úshin alǵys aıtamyz. Men klýbtyń jańa jetekshisi bastalǵan jumysty tıimdi jalǵastyratynyna senimdimin. Málik Bolatulynyń basqarý salasynda úlken tájirıbesi bar. Al Rafael Edýardulynyń sporttyq menedjment jáne fýtbol bıznesi salasynda arnaıy bilimi bar", - deıdi Qaırat Sovetuly.
