«Qaırat» klýbynyń trıýmfy: Qazaqstan ÝEFA reıtınginde joǵarylady
ASTANA. KAZINFORM — Almatylyq «Qaırat» fýtbol klýbynyń Chempıondar lıgasyndaǵy tarıhı jetistiginen keıin Qazaqstan ÝEFA reıtınginde birden bes satyǵa kóterildi, dep habarlaıdy Sports.kz.
«Qaırattyń» sátti óner kórsetýiniń arqasynda Qazaqstan 39-orynnan 34-orynǵa kóterilip, Armenııa, Latvııa, Fınlıandııa, Kosovo jáne Bosnııa jáne Gertsegovınany artta qaldyrdy.
Aıta keteıik, «Qaırat» jańa maýsymdaǵy Chempıondar lıgasyndaǵy joryǵyn Slovenııanyń «Olımpııa» klýbyn qos matchtyń qorytyndysy boıynsha 3:1 esebimen jeńýden bastady. Keıin fındik KýPS klýbyn 3:2 esebimen utsa, slovakııalyq «Slovanmen» 1:1 nátıjesin tirkep, penaltı serııasynda 4:3 esebimen basym tústi. Al pleı-off kezeńinde shotlandııalyq áıgili «Seltıkti» sensatsııalyq túrde jarystan shyǵaryp tastady (0:0, penaltı — 3:2).
«Qaırattyń» bas bapkeri Rafael Ýrazbahtın almatylyq komandanyń jeńisine baılanysty pikir bildirdi.
Tarıhı jeńisten keıin Kóktóbe munarasy «Qaırattyń» túsine boıalǵany belgili boldy.
Osyǵan deıin Chempıondar lıgasynyń negizgi kezeńine shyqqan «Qaırat» qansha tabys tapqanyn jazǵanbyz.
Endi almatylyq «Qaırat» 2025/26 maýsymyndaǵy Chempıondar lıgasynyń negizgi kezeńinde «Real Madrıdke» qarsy oınaıdy.
Óz kezeginde Almaty polıtsııasy «Qaırat» pen «Seltık» arasyndaǵy match kezinde qoǵamdyq tártip buzylmaǵanyn aıtty.