«Qaırat» klýbynyń burynǵy qaqpashysy Aleksandr Ýbykın ómirden ótti
ASTANA. KAZINFORM — «Qaırat» fýtbol klýbynyń ardageri, tanymal keńes fýtbolshysy, qaqpashy ári qazaqstandyq jattyqtyrýshy Aleksandr Ýbykın 74 jasqa qaraǵan shaǵynda ómirden ótti.
Aleksandr Ýbykın 1976–1987 jyldary «Qaırat» sapynda óner kórsetip, KSRO chempıonattarynda 257 match ótkizgen. Oıynshy retinde mansabyn aıaqtaǵannan keıin uzaq jyldar boıy jattyqtyrýshylyq qyzmetpen aınalysyp, sonyń ishinde Almaty klýbynyń qurylymynda jumys istegen.
«Qaırat» fýtbol klýby marqumnyń týǵan-týystaryna, jaqyndaryna jáne dostaryna qaıǵyryp kóńil aıtty.
— Aleksandr Sergeevıch týraly jarqyn estelik klýbymyzdyń tarıhynda jáne jankúıerlerdiń júreginde máńgi saqtalady, — delingen klýb habarlamasynda.
Eske salaıyq, buǵan deıin Halyq ártisi, professor Baqır Baıahýnov ómirden ótkenin habarlaǵanbyz.
