Qaırat Kelimbetov jalaqysynyń qansha ekenin aıtty
ASTANA. QazAqparat - «Astana» Halyqaralyq qarjy ortalyǵynyń basqarýshysy Qaırat Kelimbetov jalaqysynyń qansha bolatyny týraly suraqqa jaýap berdi, dep habarlaıdy «QazAqparat» HAA tilshisi.
«Bizde sottardyń jumysy baryn atap ótkim keledi. Bul salaǵa álemdik dárejesi bar mamandardy tartqaly otyrmyz. Sonymen birge, iri kompanııalar bizge básekege qabiletti bolatyndaı aılyqtyń deńgeıine jetkizý baǵytynda kómek berip jatyr. Álbette, biz aılyǵy óte joǵary Dýbaı nemese Ábý-Dabı (sol jaqtaǵy qarjy ortalyqtary - avt.) emespiz. Biz bul baǵyttaǵy birinshi uıym emes ekenimizdi de atap ótkim keledi. Bizde «Samuryq-Qazyna» ulttyq ál-aýqat qory jáne sol sekildi ulttyq kompanııalardyń álemdik deńgeıdegi sarapshylardy tartý baǵytynda tájirıbeleri bar. Sáıkesinshe, aılyqtyń deńgeıi regýlıatorlarǵa baılanysty bolady. Biz eń aldymen jergilikti ındıkatorlardy tartqymyz keledi. Meniń jeke aılyǵymdy týraly aıtar bolsam. Ózderińiz biletindeı, men osy laýazymǵa Prezıdenttiń tapsyrmasymen taǵaıyndalǵan edim. Uıymnyń basqarýshysymyn. Sáıkesinshe, bunyń barlyǵy zańmen baqylanady. Aılyǵym «Báıterek» nemese «Samuryq-Qazynadaǵydan» joǵary emes. Múmkin odan da kem bolýy múmkin. Bıyl sonymen birge, eshqandaı bonýs nemese syıaqy qarastyrylǵan joq. Aılyǵym týraly qalypty dep aıtýǵa bolady. Mólsheri 1 mıllıonǵa deıin», - dedi Qaırat Kelimbetov.
Eske sala ketsek, búgin «Astana» Halyqaralyq qarjy ortalyǵynyń basqarýshysy Qaırat Kelimbetov otandyq jáne sheteldik BAQ aldynda uıymnyń jumysyn tanystyrǵan bolatyn.
