Qaırat Kelimbetov pen Bolat Jámishev «Báıterek» ulttyq holdınginiń dırektorlar keńesinen shyǵaryldy
ASTANA. 13 qańtar. QazAqparat - «Báıterek» ulttyq basqarý holdıngi» AQ-nyń dırektorlar keńesinde ózgerister oryn aldy, dep habarlaıdy holdıngtiń baspasóz qyzmeti.
«Báıterek» ulttyq basqarý holdıngi» AQ-nyń jalǵyz aktsıoneriniń sheshimimen QR Prezıdenti Ákimshiliginiń áleýmettik-ekonomıkalyq monıtorıng bóliminiń meńgerýshisi Dáýlet Ediluly Erǵojın taǵaıyndaldy. «Báıterek» ulttyq basqarý holdıngi» AQ-nyń dırektorlar keńesinen QR Ulttyq bankiniń tóraǵasy Qaırat Kelimbetov pen QR Óńirlik damý mınıstri Bolat Jámishev shyǵaryldy», - delinedi habarlamada.
Holdıngtiń dırektorlar keńesine barlyǵy 10 adam múshelik etedi. Keńes tóraǵasy QR Premer-Mınıstri bolyp tabylady.
