Qaırat Kelimbetov memlekettik organdar men ulttyq kompanııalardyń qyzmetterin úılestiredi

Bul mindetti  búgin Úkimet basshysy Kárim Másimov Úkimet otyrysynda júktedi.

Eýroaımaqtarda ekonomıkalyq sektordyń turaqsyzdyǵynan-aq baıqalyp otyrǵan jahandyq qarjy daǵdarysynyń qaýpi bar ekendigin basa aıtqan K. Másimov: «Degenmen, buǵan qaramastan mindetter oryndalýy tıis. Sondyqtan joǵaryda atalǵan máselelerge qaramastan barlyq qyzmetterimizdi úılestirýimiz kerek. Men, Qaırat Nematuly sizge barlyq memlekettik organdardyń, ulttyq kompanııalardyń, ákimdikterdiń jáne basqa da agenttikter men vedomstvolardyń qyzmetin úılestirýdi tapsyramyn»,-dedi.

Bul rette Úkimet basshysy óziniń orynbasaryna 2 apta ishinde qaı salany kóterý qajettigin naqtylaýdy tapsyrdy. Sondaı-aq, ol QR Premer-Mınıstri Keńsesiniń basshysy Ǵabıdolla  Abdrahımovqa jáne orynbasary Erbol Orynbaevqa esepter daıyn bolǵannan keıin bir apta ishinde úılestiriletin baǵyttar eskerilgen jańa memorandýmdy qol qoıýǵa ázirleýdi júktedi.