Qaırat Kelimbetov QR velosport federatsııasynyń prezıdenti qyzmetinen ketedi

ASTANA. QazAqparat - Qaırat Kelimbetov QR velosport federatsııasynyń prezıdenti qyzmetinen ketedi, dep habarlaıdy QVF baspasóz qyzmeti.

Qazaqstan velosport federatsııasynyń prezıdenti Qaırat Kelimbetov negizgi jumysyndaǵy sharýanyń kóptiginen atalǵan qyzmetten ketetinin aıtty. Qaırat Kelimbetov QR Ulttyq bankiniń tóraǵasy, dep habarlandy QR velosport federatsııasynyń baspasóz qyzmetinen.

«Álemdegi ekonomıkalyq jaǵdaı men qıyn kezderdegi Ulttyq bank aldyndaǵy mindetter meniń negizgi jumysyma kóp kóńil bólýimdi talap etedi. Osy sebepten qoǵamdyq jumystardan bas tartý týraly sheshim qabyldadym», - dedi Qaırat Kelimbetov.

Qazaqstan velosport federatsııasynyń jańa prezıdenti jaqyn arada ótetin eseptik-saılaý konferentsııasynda saılanady.