Qaırat Kelimbetov QMG-niń ІRO-ǵa shyǵýy nege baılanysty ekenin aıtty
«Bıyl «Qazaqtelekom» men «Eır Astana» syndy kompanııalar jekeshelendirilmek. Kelesi jyly naryqtyq jaǵdaılarǵa baılanysty «QazMunaıGaz» kompanııasyn ІRO-ǵa shyǵarý múmkinshiligi qarastyrylatyn bolady. Jalpy, josparda bar. Bul Ulttyq ál-aýqat qoryna tıesili iri ulttyq kompanııa», - dedi Qaırat Kelimbetov Almatyda ótip jatqan XVI Eýrazııalyq medıa forým aıasynda bergen suhbatynda.
Sonymen qatar ol 2018 jyldyń qarashasynda «Qazatomónerkásip» kompanııasy ІRO-ǵa shyǵarylǵanyn atap ótti.
Onyń aıtýynsha, bul «Samuryq-Qazyna» qoryna tıesili ulttyq kompanııanyń jekeshelendirýdiń eń alǵashqy tabysty úlgisi sanalady.
Esterińizge sala ketsek, 2018 jyldyń 14 qarashasynda AHQO bırjasynda «Qazatomónerkásip» kompanııasynyń jaı aktsııalaryn shartsyz satý, sonymen qatar jahandyq depozıtarlyq qolhattaryn shartty satý bastaldy. Al sol jyldyń 19 qarashasynan beri kompanııanyń jahandyq depozıtarlyq qolhattary shartsyz satylyp jatyr.