Qaırat Kelimbetov elimizde AES salýǵa qatysty pikir bildirdi

NUR-SULTAN. QazAqparat – QR Strategııalyq josparlaý jáne reformalar agenttiginiń tóraǵasy Qaırat Kelimbetov elimizde atom elektr stansasyn salýǵa qatysty pikir bildirdi, dep habarlaıdy QazAqparat tilshisi.

«Atom elektr stansasy geosaıasattyń quraly ekendigin bilemiz. Al tehnologııalar – bul bizdiń qaýipsizdigimiz, jaılylyǵymyz. Biraq saıasat emes. Degenmen, Qazaqstan atom energetıkasyn engizý múmkindigin zerdelep jatyr. Prezıdent Qasym-Jomart Toqaev Úkimetke turaqty damý úshin atom energetıkasy qanshalyqty tıimdi ekendigin tyńǵylyqty ári baıyppen zerdeleýdi ótingendigin bilemin. Alaıda, sóz bolashaq tehnologııasy, kómirtegi beıtaraptylyǵy jaıynda bolǵan kezde menińshe, orta merzimdi keleshekte múldem jańa tehnologııalardy kórip qalýǵa tıispiz», - dedi ol Astana klýbynyń 6-otyrysynda.

Onyń atap ótýinshe, mundaı jańa tehnologııalar damýshy elderdiń de satyp alýyna qoljetimdi bolýy qajet.

«Bul rette problemany sheshýdiń revolıýtsııalyq emes evolıýtsııalyq ádisteri qajet. Menińshe, Qazaqstan kúntártibi Qytaı men Úndistannyń kúntártibine jaqyndap qaldy. Tehnologııalardy damytý úshin qolda bar múmkindikterdi paıdalaný qajet. Máselen, bizde kómirtegi tutqyshyna qatysty óte úlken qyzyǵýshylyq bar», - dedi Qaırat Kelimbetov.