«Qaırat» Qazaqstan kýbogynyń fınaly aldynda ashyq jattyǵý ótkizdi
ASTANA. QazAqparat - Erteń "Astana-Arena" stadıonynda "Astana" men "Qaırat" klýbtary arasynda fýtboldan Qazaqstan Respýblıkasy kýbogynyń fınaly ótedi. Búgin almatylyq "Qaırat" fýtbol klýbynyń bas jattyqtyrýshysy Vladımır Vaıss BAQ ókilderine arnalǵan baspasóz məslıhatyn ótkizse, komanda jigitteri "Astana-Arena" alańynda fınal aldynda dene qyzdyrdy.
"Bul Qazaqstan Respýblıkasy Kýbogynyń fınaly, sondyqtan, eki komanda da tek jeńiske talpynady. Bul mańyzdy match jəne fınalda Qazaqstannyń eń myqty eki komandasy oıyn kórsetedi. Sondyqtan, oıyn qyzyq bolatynyna senemin", - dedi "Qaırattyń" jattyqtyrýshysy.
Onyń aıtýynsha, komanda oıynshylarynyń kóńil-kúıi jaqsy jəne "Qaırat" basymdyqqa ıe bolýǵa baryn salady. Bas jattyqtyrýshynyń baspasóz məslıhatynan keıin "Qaırat" oıynshylary "Astana-Arena" stadıonynda ashyq jattyǵý ótkizdi.
