«Qaırat» Qazaqstan chempıonatynyń jeńimpazy atandy

ASTANA. KAZINFORM — Fýtzaldan «Qaırat» komandasy 2025 jylǵy Qazaqstan chempıony boldy.

Almatylyq klýb 21-shi márte el chempıony atanyp otyr.

Qazsporttv.kz málimetinshe, fınalda Qaırat Semeıdi tórtinshi matchta 4:3 esebimen jeńdi. Jalpy serııa esebi 3-1 (0:1, 5:3, 4:3, 4:3).

— «Qaırat fýtzal» — 2025 jylǵy Qazaqstan chempıondary! Bizdiń klýb 21-shi márte el chempıony atandy — bul rekord, bul tarıh! Osy jolda bizben birge bolǵan barlyq jankúıerlerge alǵysymyz sheksiz. Sizderdiń qoldaýlaryńyz — árbir jeńistiń negizi. Biz — Qaırat! Biz — Chempıondar! — delingen klýbtyń áleýmettik jelidegi paraqshasynda.

Budan buryn fýtboldan Premer-lıga komandalary arasyndaǵy el birinshiliginiń 14-týrynda qostanaılyq «Tobyl» jáne elordalyq «Jeńis» teń oınaǵanyn jazǵan edik.