«Qaırat» Karlos Alos Ferrermen kelisimshartty uzartty
ASTANA. QazAqparat - «Qaırat» FK bas bapkermen kelisimshartty uzartty. Bul týraly sport.inform.kz habarlaıdy.
Ispanııalyq maman klýb tizginin aǵymdaǵy jyldyń shilde aıynda ustady. Osy ýaqyt aralyǵynda ol Almatynyń «Qaıratymen» 14 oıyn ótkizip (13 jeńis, jáne 1 teń oıyn), Qazaqstan kýbogi men ishki birinshiliktiń kúmis medalin jeńip aldy. Keremet jetistikteri úshin klýb basshylyǵy Karlosty 2 jyldyq kelisimshartpen qýantty.
- Aldaǵy maýsymdy «Qaıratpen» birge ótkizetinime qýanyshtymyn. Barlyq áriptesterime, klýb basshylyǵyna alǵysymdy bildirgim keledi. Artqan úmitti aqtap, klýbtyń alǵa qoıǵan maqsatyna jetýge bar kúsh-jigerimdi jumsaımyn dep sóz beremin. Sebebi, bul klýb bıik tuǵyrdan kórinýge ábden laıyq», - dep óz sózin qorytyndylady Karlos Alos.
