«Qaırat» qaqpashylary Temirlan Anarbekov pen Zarýtskııdiń jaǵdaıy qalaı

ALMATY. KAZINFORM — «Qaırat» fýtbol klýbynyń ókilderi Almatynyń óńirlik kommýnıkatsııalar qyzmetinde brıfıng ótkizdi. 

Komandanyń bas bapkeri Rafael Ýrazbahtın «Real Madrıdke» qarsy oıyn aldynda jaraqat alǵan qaqpashylardyń jaǵdaıyna toqtalyp ótti.

— Temirlan Anarbekov emhanadan shyqty. Bizdiń bazaǵa da keldi. Biraq qazir ol qatty aýzyn asha almaıdy, óıtkeni jaǵy tańylǵan. Aldaǵy kúnderi ony sheshkennen keıin birtindep jattyǵýǵa kirise alady. Oǵan ornatylǵan tıtandardyń jazylǵany qajet. Dárigerdiń aıtýynsha, reabılıtatsııa oıdaǵydaı ótip jatyr. Al Aleksandr Zarýtskıı birneshe kúnnen keıin jattyǵýǵa kirisedi. Sondyqtan aldaǵy ýaqytta oǵan da senim artamyz. Sherhan Qalmurza qazir bizde negizgi bolyp tur. Degenmen, taǵy birneshe jas qaqpashymyz bar. 1-2 aptadan keıin barlyq qaqpashymyz sapqa oralady dep oılaımyn, — dedi ol.

Eske salaıyq, «Qaırat» qaqpashysy Temirlan Anarbekov «Aqtóbege» qarsy match kezinde jaraqat aldy.

Oǵan deıin Glazgoda ótken «Seltıkke» qarsy oıynda Aleksandr Zarýtskıı alǵan jaraqatyna baılanysty alańnan ketýge májbúr boldy.