«Qaırat»- «Hapoel-Sheva» matchy tikeleı efırden kórsetiledi
NUR-SULTAN. QazAqparat - Qazaqstandyq jankúıerler Eýropa Lıgasynyń ekinshi irikteý kezeńiniń qarymta matchy - «Qaırat» pen ızraıldik «Hapoel Beer-Sheva» arasyndaǵy oıyndy tikeleı efırde tamashalaı alady. Bul týraly Qazaqstan» Ulttyq telearnasynyń baspasóz qyzmeti habarlady.
1 tamyzda Almatyda ótetin oıyndy «Qazaqstan» Ulttyq telearnasy tikeleı efırde kórsetedi. Match Nur-Sultan ýaqyty boıynsha 20:30-da bastalady.
Alǵashqy oıynda qazaqstandyq klýb «Hapoel Beer-Shevaǵa» 2:0 esebimen utylǵan bolatyn.
«Qaırat» Eýropa Lıgasy irikteý kezeńiniń úshinshi aınalymyna shyqqan jaǵdaıda «Norrchepıng» (Shvetsııa)-«Lıepaıa» (Latvııa) jubynyń jeńimpazymen kezdesedi.
